'n Endje fietsen bie zummerdag
Bie lij windstil weer
'n Endje fietsen bie zummerdag
Wat wil je nog meer
Velden stoan vol mit waait en hoaver
Aan kant van weg gruit rooie kloaver
'n Endje fietsen bie zummerdag
Bie lij windstil weer

Hoageldoornhegen stoan weer in blui
Moand van maai zegent 'n regenbui
Laandjebloumen kleuren zok rood op moat van wind
Zummer in wereld, 'k bin blied as 'n kind

't Laand rokt noar heu en vris maait gras
Thermos mit kovvie in fietsketas
Onderwegens even oetpoesten aan kaant van sloot
Jonge doekereendjes hebben snoavels rood

Muidde in bainen en rozeg in hoed
Dag lopt op 't end, wie hebben laamp schoon oet
Wie proaten nog wat noa, veur 't hoes op baank
Gezelleg bie mekoar, 'n dag mit 'n golden raand