Wat deej Bonifacius destieds in Dokkum
Wat ging John Kennedy in Dallas doon
Napoleon sjtuurde ze noa Elba
En Schumacher haet noa de Weltmeisterschaft auch aafgedoan

Wat is gebeurd mit al die helde
Zo'n men die vunjse nog mer zelde

Wae kent noe nog Alexander Dubcek
Wae wet noe nog woorom Jan Palach haet gebrandj
Wae herinnert zich de naam nog van Romero
Of Luther King in det kojbojlandj

Wat is gebeurd mit al die helde
Zo'n men die vunjse nog mer zelde

Dees generatie die sjtuit sjoan drop
De produksie van helde die is gesjtop
Mer ondanks dat kent geer geros wiejer sjloape
Weer trekke geweun ein nuuj blik helde oape

D'n tied sjtuit neet sjtil, de klok tik wiejer
De welt dreit door, dat is normaal
En auch noa hun komme nuuj helde
Allein de klok verangert, ze tik noe digitaal