Tu, tu, tu, comm’ ’a ‘nu suonno tu
Quanno s’appiccia ‘na stella l’ammore si’ tu
Tu, tu, tu, comm’ ‘a ‘nu juorno tu
Dint’ ‘a ‘stu sole cucente l’ammore si’ tu
È mezanotte e tu nun viene pecché
e chianu chianu sto’ murenno pe’ tte’
È mezanotte, te voglio, te voglio, te voglio…

Sulamente tu, tu, tu, comm’ ‘a ‘na festa tu
Quanno se canta e s’abballa l’ammore sì tu
Tu, tu, tu, comm’ ‘a ‘na foglia tu
Quanno t’adduorme ‘int’ ‘o viento l’ammore si’ tu
E comm’ è longa chesta notte pe’ mme
T’aspetto e scrivo ‘na canzone pe’ tte
E ‘o core sbatte cchiù forte cchiù forte cchiù forte…

Tu, tu ,tu, comm’ ‘a cchiù bella tu
Quanno te ‘nfunne ‘e capille l’ammore si’ tu
Tu, tu, tu, comm’ ‘a ‘na perla tu
Dint’ ‘a chist’uocchie lucente l’ammore si’ tu
È mezanotte e sto’ chiagnenno pecché
Avota e gira penzo sempe cchiù a te
E ‘o core sbatte, te chiammo, te chiammo, te chiammo

Sulamente tu……cu’ ‘sti ricciulille, tu tu tu
Sulamente tu……comm’ è bello a ffa’ ll’ammore tu, tu, tu
Sulamente tu……comme ‘o primmo ‘e Maggio tu, tu, tu
Sulamente tu……te stennive sott’ ‘o sole tu, tu, tu…