1)
Verkabelt, Satelliteschüssel om Daach,
veezisch Projramme zappen dich durch die Naach,
schön bunt.” Nä, wat hammer jelaach !”

Dä Zeitjeis grins un baggert bess e dich hätt,
jelackte Zombies, op vermintem Parkett:
" Na un ?! ... de Haupsaach, nett un adrett !!
Entspann dich un akzeptier‘et.
Bess selver schuld, wenn du‘t ahn dich löhß,
wenn paar Computer Kreech führe. " Mayday ...

Refr.:
( Mayday ) Mer schmiere aff em freie Fall,
( Mayday ) na un ?! ..ess uns doch scheißejal.
( Mayday ) mer hann se nimieh all.
( Mayday ) ...

2)
Die Katastrophe weed en Häppche seziert,
als Seifeoper zwesche Werbung plaziert,
Keimfrei, die Quote rejiert.
( Hühr op zo quängele Mann, do mähste nix draan !” )
Hurra, mer sinn ahm verblöde,
su, dat mer kaum noch jet spüre, uns
kammer ahm Naasering führe. Mayday ...